تقريري عن سوق الذهب بجدة بالاسعار |
عنوان سوق الذهب بجدة
الكل بيسال اخبار الدهب ايه
ندخل في الموضوع علي طول
بالنسبه سوق الذهب بجدة في وسط البلد
بالنسبة لي افضل مكان لشراء الدهب لسببين
اولا السوق كبييييير جدا وتاني سبب بتلاقي فيه كل المحلات سواء محلات الدهب السعودي العادي او داماس وطيبه والحركات
نيجي باه للسوق فيه ايه
اولا للدهب المستعمل وده كتير بيسالوا عليه
محلات كتير هناك بتبيعه بس قليل لما تلاقي حاجه علي الموضه
انصح بيه بشده للي عايزه تشتري حاجه لبنتها او هديه لبيبي
لان اكتر الموجود حلقان اطفال وغوايش وسلاسل واشكالها حلوه وشكلها جديد والسعر طبعا تحفه سعر الدهب الاصلي وبيزود عليه حاجه بسيطه
يعني شفت سلسله بيبي مزود في الجرام 10 ريال كمان الغوايش موجوده كتير
نيجي للدهب الجديد يوم ما نزلت شفت السعر علي النت كان 141
متوسط الاسعار كان من 160 - 195
اللي ب 160 ده دهب موديله عادي غالبا سعودي
اللي ب195 ده حاجتين
اما الموديلات الجديده من داماس
او الدهب التركي اشاكله تحفه وجديده
اللازودي لو موديل السنه اللي فاتت ب170
وفي اعلي كل ما الموديل يكون شكله مميز كمان بتفرق الورقه بتاعته لونها ايه
بنفسجي او احمر او ازرق كل لون سعر
عموما السوق بيفتح الساعه 5 بالظبط
تكوني هناك الساعه 4 ونص الكل بيبقي متهاود في السعر
وبيتعاملوا كويس علشان يستفتحوا
لو عندك اطفال خدي معاكي ميه عصير بسكوت لان السوق كله محلات دهب فتكوني عامله حسابك